Es Hasakind, es Hasakind
draimt med off’ne Auga,
es blinzelt in d’r warme Wind
ond koh es gar ned glauba:
S’Läba isch a Schlotzer,
ond wenn die andre motza,
guggt’s Häsle oifach in die Luft
ond horcht, ob sein Papa ruft:
„Mei Hasakind, mei Hasakind,
i han di so saumäßig lieb,
des goht uff koine Kuhhaut ned,
drum komm i heit au ned so späd
ond kuschel di ond wuschel di,
bis onser Neschtle isch ganz hie.“
© by Marion Schimmelpfennig